Higiena, Distansia Sosial i Prevenshon

Tin sierto medidanan básiko di higiena i distansia sosial ku ta keda vigente i ku tin e meta pa yuda prevení i kombatí COVID-19 na Kòrsou. E medidanan aki ta aplikabel pa tur hende, tantu residente komo bishitante:

  • Laba man frekuente ku awa i habon, sino usa ‘handsanitizer’ 
  • Tosa i nister den èlebog òf skouder
  • Tene distansia di 2 meter
  • Bisti tapaboka den lugánan públiko
  • Evitá grupo grandi (aglomerashon)
  • Si por, traha for di kas mas tantu
  • Habri bentana pa stimulá ventilashon natural
  • Si bo tin síntoma di COVID-19, keda kas, yama bo dòkter di kas i bai tèst

Algun síntoma popular di COVID-19 ta: doló di kabes, keintura haltu, tos seku i doló di garganta, problema pa hala rosea.

 

USO DI TAPABOKA

Uso di tapaboka ta keda mandatorio na momentu ku ta bishitá un di e establesimentunan menshoná akibou. Ademas, uso di tapaboka ta rekomendabel na tur otro lugá i organisashon:

  • Supermerkado
  • Minimarket
  • Toko
  • Pakus
  • Panaderia
  • Botika
  • Hòspital i klínikanan
  • Tienda di buki
  • ‘Hardware stores’
  • Transporte públiko
  • Barbero, kapsalòn i ‘beauty salon’
  • Agensia funerario
  • Kasino